Moskva şahar sudi Aleksey Navalniyning advokatlari Vadim Kobzev va Aleksey Lipserni hibsga oliş muddatini uzaytiriş haqidagi qarorni öz kuçida qoldirdi, deb xabar berdi «Mediazona» 24 aprel, çorşanba kuni.
Sud mart oyida Kobzev, Lipser va uçinçi advokat Igor Serguninni hibsga oliş muddatini 13 iyungaça uzaytirgan Moskvaning Basmanniy tuman sudi qarorini öz kuçida qoldirdi. Advokatlar 13 oktyabrdan beri tergov hibsxonasida saqlanmoqda. Ular ekstremistik hamjamiyatda iştirok etganlikda ayblanmoqda (Jinoyat kodeksining 282.1-moddasi 2-qismi), biroq aybini tan olmayapti.
Tergovning fikriça, yillar davomida siyosatçini himoya qilgan Navalniyning advokatlari «maqomidan foydalanib» uning koloniyadan xatlarini muntazam ravişda ötkazib turgan. Şu tariqa, Navalniy «ekstremistik hamjamiyat rahbari va direktori funksiyalarini bajarişda davom etgan», deb da’vo qilmoqda tergov.
16 noyabr kuni Rosfinmonitoring uç advokatni «ekstremistik faoliyat» yoki «terrorizm»ga aloqadorligi haqida ma’lumot bor şaxslar va taşkilotlar röyxatiga qöşdi. Ularning bank hisoblari bloklangan.
Kobzev, Lipser va Sergunin hibsga olingandan söng, Navalniyning boşqa advokatlari, Rossiyani tark etişga muvaffaq bölgan Aleksandr Fedulov va Olga Mixaylovalar sirtdan hibsga olindi.
Yamal-Nenets avtonom okrugi federal jazoni ijro etiş xizmati 2024 yil 16 fevral kuni tuşdan keyin Aleksey Navalniyning Xarpdagi koloniyada vafot etgani haqida xabar berdi. Uning ölimi haqidagi xabarda siyosatçi tabiiy sabablarga köra vafot etgani aytiladi. Siyosatçining tarafdorlari uning öldirilganiga işonadi.
