2024 yilning 25-26 aprel kunlari Chery energiyada ishlovchi yangi Tiggo 9 PHEV va Arrizo 8 PHEV avtomobillar chidamliligining keng ko‘lamli sinovini o‘tkazdi. 1214 km uzunlikdagi marshrut, Pekin shahridan Shandun provinsiyasidagi Tsinan madaniy shahri orqali, Konfutsiy ta’limoti ixlosmandlarining muqaddas zamini bo‘lgan Tsyuyfudan o‘tib, Anxoy provinsiyasining Uxu shahrida yakunlandi. Sinovdan maqsad – avtomobillarning uzoq masofalarga chidamliligi va haydalish ko‘rsatkichlarini tekshirish edi. Tadbirda Chery avtomobil brendining O‘zbekistondagi rasmiy distribyutori bo‘lgan ADM Global kompaniyalar guruhining rasmiy vakillari ham ishtirok etdilar.
25 aprel kuni Tiggo 9 PHEV va Arrizo 8 PHEV Pekin shahridan noyob sayohatga chiqdilar. Sayohatning boshida avtomobillar past tezliklarda haydovchiga yordam tizimlari ishini namoyish etib, Pekin shahri tirbandliklarini yengib o‘tdilar. Magistral yo‘lda asosiy e’tibor quvvat uzatuvchisining barqarorligi va yoqilg‘i tejamkorligiga qaratildi.
3-avlodli DHT gibrid transmissiya bilan juftlikdagi 5-avlodga mansub 1.5TGDI gibrid dvigatellari, quvvatni samarali yetkazib berilishi va harakatlanish sharoitlariga ko‘ra elektr motor va dvigatel o‘rtasida avtomatik almashishni ta’minlaydilar. Bu qulaylikni va yoqilg‘i tejalishini yaxshilaydi.
Tiggo 9 PHEV va Arrizo 8 PHEV’dagi ACC (Adaptive Cruise Control – Moslashuvchan kruiz nazorati), LDW (Lane Departure Warning – Yo‘l bo‘lagidan chiqish haqida ogohlantirish), AEB (Automatic Emergency Braking – Avtomatik favqulodda tormozlanishda yordam tizimi) va BSD (Blind Spot Detection – Ko‘rinmas zonalarni aniqlash tizimi) kabi ilg‘or haydovchiga yordam tizimlari haydash xavfsizligi va qulayligini ta’minlab, boshqaruvni sezilarli darajada osonlashtirdilar.
Tiggo 9 PHEV’ning masofa zahirasi 1400 km dan ortiq bo‘lib, 20 daqiqada tez quvvatlanish imkoniga ega. Arrizo 8 PHEV bir quvvatlanishda 1463 km masofani bosib o‘ta oladi va uning yuqori samarali batareyalari atigi 19 daqiqada quvvatlanadi. Bu zaryadlash haqida tashvishlanmasdan uzoq masofalarga sayohat qilish imkonini beradi.
Uzoq safarda qulaylik juda muhim ahamiyatga ega. Tiggo 9 PHEV sozlanuvchan 10 ta massaj sozlamalariga ega o‘rindiqlarni taklif qiladi, Arrizo 8 PHEV esa keng, butun badan bilan his qilinuvchi o‘rindiqlar va hashamatli salonga ega. Arrizo 8 PHEV’dagi NVH (Noise-Vibration-Harshness – Shovqin-vibratsiya-qattiqlik) texnologiyasi xotirjam va yoqimli sayohatni ta’minlaydi. Tiggo 9 PHEV ikki qavatli laminatlangan shovqinni yutuvchi oynalar va ENC (Environmental Noise Cancellation – Atrof-muhit shovqinini bartaraf etish tizimi) bilan jihozlangan bo‘lib, bular haydovchi va uning yo‘lovchilari uchun qulay va osoyishta sayohatni ta’minlaydi.
