2024 yilning 29 may kunidan boshlab Kia'ning O‘zbekistondagi barcha rasmiy dilerlik markazlarida uzoq kutilgan Kia Sonet krossoverining birinchi ommaviy topshirilishlari, belgilangan muddatdan ham ertaroq boshlandi!
Avvalroq xabar qilinganidek, 2024 yilning 27 mart kuni Kia avtomobil brendining O‘zbekistondagi rasmiy distribyutori bo‘lgan ADM Global kompaniyalar guruhi ADM Jizzakh zavodida to‘liq texnologik sikl (CKD) bo‘yicha Kia Sonet'ning pilot ishlab chiqarilishining muvaffaqiyatli yakunlagani va avtomobillarning birinchi partiyasi ishlab chiqarilishi boshlaganini e’lon qildi. 13 apreldan boshlab esa avtomobil ixlosmandlari tomonidan ajoyib ishtiyoq bilan kutib olingan va eng ko‘p sotilayotgan ixcham krossoverlardan biriga aylangan Sonet'ning uch xildagi komplektatsiyasi uchun shartnomalarning berilishi boshlandi.
Ta’kidlash joizki, 29 may kuni Kia'ning barcha rasmiy dilerlik markazlarida Sonet'ning xaridorlarga birinchi ommaviy topshirilishlari tashkil etildi va bu hodisa dastlab rejalashtirilganidan oldinroq ro‘y berdi. Krossoverning ilk 100 sohibiga esdalik sovg‘alari va rasmiy Kia xizmat ko‘rsatish markazlaridan birida 2 ta bepul texnik xizmat ko‘rsatilish uchun sertifikatlar topshirildi.
Kia Sonet'ni tanlashda xaridorlar tomonidan krossoverning quyidagi asosiy xususiyatlariga urg‘u qaratildi:
● Yangi Sonet 115 ot kuchiga va 143,8 N·m aylantiruvchi momentga ega bo‘lgan Smarstream G1.5 benzinli dvigatel bilan jihozlangan. Bu ishonchli tezlashuv va dinamik haydash uchun yetarlidir.
● Tashqi ko‘rinishidan, Sonet zamonaviy va sportcha qiyofaga ega. Radiatorning qora rangli panjarasi, old bamperning xromlangan bezaklari, yorug‘likdiodli faralar va yurish chiroqlari, shuningdek, 16 dyuymli yengil qotishmadan ishlangan disklar yorqin va yodda qolarli qiyofani shakllantiradilar. Orqa qismidaga benuqson yorug‘likdiodli yoritkichlar va tomning orqa ustunlari mashinaning o‘zgacha ajralib turishini ta’minlaydi.
