Toshkent viloyatidagi bo‘yoq zavodida yong‘in chiqdi

Toshkent viloyati Zangiota tumanidagi bo‘yoq zavodida sodir bo‘lgan yong‘in yuzasidan Favqulodda vaziyatlar vazirligi rasmiy izoh berdi. 

“Erkin” MFYda joylashgan bo‘yoq ishlab chiqarish sexi binosida chiqqan yong‘in haqida 10 sentabr, soat 14:15 da viloyat FVBga xabar berilgan. 

“Yong‘in o‘chirish ekipajlari tezkorlik bilan yetib borishgan, ayni vaqtda yong‘inni o‘chirish  ishlari bajarilmoqda”, — deyiladi vazirlik xabarida.

Ta’kidlanishicha, yong‘in natijasida tan jarohati olgan va vafot etgan fuqarolar to‘g‘risida xabar kelib tushmagan.

Voqea joyiga vazirlik rahbariyati hamda mas’ul tashkilotlarning vakillari chiqqan.

{Yii::t(}

O'tkazib yuborish 6s

O'tkazib yuborish