Toshkentning uch tumanida elektr ta’minoti vaqtincha o‘chiriladi

“Toshkent shahar elektr tarmoqlari” xabariga ko‘ra, elektr ta’minoti o‘chiriladigan hududlar quyidagilar:

• Yunusobod tumani: “Iftixor” hamda “Naqshbandiy” MFY ayrim hududlarida soat 12:00 dan 18:00 gacha; 
• Bektemir tumani: “Nurli yo‘l”, “Musaffo” hamda “Sohil” MFY ayrim hududlarida soat 10:00 dan 14:00 gacha;
• Olmazor tumani: “Ahil”, “Moyariq”, “Yangi Toshkent”, “Gulzor”, “Chuqursoy”, “Oltinsoy”, “Islom ota” hamda “Shifokorlar” MFY ayrim hududlarida soat 09:00 dan 15:30 gacha.

Mazkur hududlarda ta’mirlash ishlari belgilangan vaqtdan avvalroq yakunlanishi mumkin.

“Toshkent shahar elektr tarmoqlari” MChJ mazkur ta’mirlash ishlari tufayli elektr ta’minotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi iste’molchilardan uzr so‘raydi”, deyiladi xabarda.