AQŞ Kongressiga saylovlarda Donald Trampning respublikaçilari yuqori palatada köpçilik örinni qölga kiritdi, deb xabar berdi 6 noyabr, çorşanba kuni AP axborot agentligi va Fox News telekanali saylovçilar örtasidagi sörovlar va dastlabki ovozlar hisobiga tayanib. Şu paytgaça demokratlar Senatda minimal köpçilikni taşkil qilgan. Ular buni muntazam ravişda ijobiy ovoz bergan tört mustaqil senatorning qöllab-quvvatlaşi tufayli qölga kiritgandi.
Respublikaçilar Senatga saylovlarda asosan mustaqil nomzod Dan Osbornga qarşi keskin kuraşda öz örnini himoya qilişga muvaffaq bölgan Nebraska ştatidan respublikaçi senator Deb Fişerning ğalabasi evaziga ustunlikka erişdi. Bu respublikaçilarga tösiqni yengib ötiş va yuqori palata ustidan nazoratni qölga kiritiş imkonini berdi.
AQŞ Kongressining muhim roli
AQŞ prezidenti uçun Kongressning yordami muhim. Ikkala palatada ham qöllab-quvvatlanmagan Amerika davlat rahbari köpinça katta muammolarga duç keladi. Kongress AQŞ budjetini qabul qiladi va qonunçilik taşabbusi huquqiga ega.
Xususan, Senat AQŞ ma’muriyatidagi asosiy tayinlovlarni ma’qullaydi. Yuqori palata tomonidan qöllab-quvvatlanmasa, prezident vazirlar, elçilar va sudyalar lavozimiga nomzodlarni taqdim eta olmaydi, çunki barça yuqori darajadagi tayinlovlar senatorlar tomonidan tasdiqlanişi kerak. Bu Senatning Oq uy xodimlari va faoliyatiga sezilarli ta’sir körsatişini anglatadi.
Vakillar palatasiga saylov va referendumlar
AQŞda prezidentlik saylovlariga parallel ravişda Kongressga saylovlar ötkazilmoqda, unda quyi palata — Vakillar palatasidagi barça 435 örin va Senatdagi 34 örin taqdiri hal qilinmoqda.
Şu bilan birga, köplab ştatlarda marixuanani qonuniylaştiriş kabi bahsli mavzularda referendumlar ötkazildi. Kongress saylovlarida ovozlarni sanaş hali yakuniga yetmadi, amaldagi prezident Jo Bayden va nomzod Kamala Harris boşçiligidagi demokratlar köpçilik ovoz olişga umid qilmoqda.
