Şimoliy Yevropa va Boltiqböyi davlatlari Moskvaning Ukrainadagi uruşini moliyalaştiriş uçun foydalanadigan daromadlarini kamaytiriş maqsadida G7 davlatlari muvofiqlaştirişi doirasida Rossiya nefti narxini pasaytirişga çaqirmoqda. Bu haqda 12 yanvar, yakşanba kuni Şvetsiya internet naşrlari Yevropa komissiyasiga taşqi işlar vazirlari tomonidan tegişli taklif bilan xat yuborilgani haqida yozdi.
Xususan, Şvetsiya Taşqi işlar vazirligi rahbari Mariya Malmer Stenergaard murojaatga imzo çekdi. «Rossiya neftining narxi qançalik past bölsa, tinçlik şunçalik tez keladi», dedi u Selen şahrida bölib ötgan mudofaa konferensiyasida.
Vazirning hisob-kitoblariga köra, bir barrel narxining 10 dollarga pasayişi Rossiya uçun yiliga 200 milliard dollar yöqotişni anglatadi, bu Rossiya harbiy budjetining 15 foiziga töğri keladi. 2022 yil oktyabr oyida YeI va "Katta yettilik" davlatlari Rossiya neftining bir barreli 60 AQŞ dollaridan ortiq narxda sotilmasligiga kelişib oldilar.
Berbok: Rossiya «soyadagi floti»ning zanglagan tankerlari - YeI uçun tahdid
Boltiq dengizida boşqaruvni yöqotgan va deyarli 100 ming tonna neft bilan Germaniya qirğoqlari yaqinida suzib yurgan Eventin tankeri Rossiya «soyadagi floti»ning bir qismi bölib, eski kemalardan foydalaniş Yevropa xavfsizligiga tahdid soladi. Bu haqda 10 yanvar kuni Germaniya taşqi işlar vaziri Annalena Berbok ma’lum qildi. Şu bilan birga, Berbok Rossiya prezidenti Vladimir Putinni nafaqat «zanglagan tankerlar parkidan foydalaniş» orqali Moskvaga joriy qilingan sanksiyalarni çetlab ötişda, balki «Boltiqböyi mintaqasida turizm tahdid ostida qolişini ataylab ta’minlaşda» aybladi.
Avvalroq Germaniyaning Markaziy dengiz favqulodda qömondonligi Rossiyaning Ust-Luga portidan çiqqan, 99 ming tonna neft olib ketayotgan Eventin tankeri Germaniyaning Ryugen oroli yaqinida boşqaruvni yöqotgani haqida xabar bergan edi. Kemaga uçta nemis buksiri yuborildi. Germaniya tomonining ma’lum qilişiça, kemada neft sizib çiqişi aniqlanmagan, atrof-muhitga heç qanday tahdid yöq, ekipajni evakuatsiya qilişning hojati yöq.
Eventin Panama bayroği ostida harakatlanadi, lekin aslida, Greenpeace xalqaro ekologik taşkilotiga köra, u Rossiya Federatsiyasining «soyadagi floti» deb ataladigan kemalardan biridir. U sönggi yillarda turli kiçik mamlakatlarda röyxatga olingan, ammo amalda Rossiya nazorati ostida bölgan bir neça yuz tankerlardan iborat. Moskva Rossiyaning Ukrainaga bostirib kirişi munosabati bilan Ğarb davlatlari tomonidan kiritilgan embargoni çetlab ötiş uçun ulardan neft sotiş maqsadida foydalanadi.
