Xitoyning avtomobil sanoatidagi yetakchi nomlaridan biri bo‘lgan FAW (First Automobile Works) kompaniyasi, o‘zining uzoq yillik tajribasi va ilg‘or texnologiyalari bilan O‘zbekiston bozorida yangi bir sahifa ochmoqda. 1953 yilda tashkil topgan FAW o‘sha davrda Xitoyning birinchi yuk mashinalarini ishlab chiqargan va bugungi kunda dunyoning eng yirik yuk mashinalari ishlab chiqaruvchilaridan biriga aylangan.
FAW tarixi: bir 70 yildan ortiq muvaffaqiyatlar yo‘lida
FAW kompaniyasining rivojlanishi 1956 yildan boshlab, ilk Jiefang CA10 modelidagi yuk mashinasi ishlab chiqarilganidan keyin Xitoy iqtisodiyotiga va transport tizimiga katta hissa qo‘shgan. CA10, Xitoydagi birinchi keng tarqalgan yuk mashinasi bo‘lib, bu model Sovet Ittifoqining ZIS-150 modelidan asoslangan edi. Keyinchalik, FAW kompaniyasi o‘zining yangi model va texnologiyalarini ishlab chiqarishni davom ettirib, 1980 yillarda Xitoyda eng yirik avtomobil ishlab chiqaruvchiga aylandi. 1990 yillarda esa kompaniya xalqaro bozorga kirib, Volkswagen, Toyota va General Motors kabi global brendlar bilan hamkorlikni yo‘lga qo‘ydi.
O‘zbekiston bilan hamkorlik: FAW va VUM yangi zavod haqida
2023 yilga kelib, FAW va O‘zbekistonning Van Universal Motors (VUM) kompaniyasi o‘rtasidagi hamkorlik yangi bosqichga o‘tdi. Ushbu strategik hamkorlik doirasida Andijon shahrida zamonaviy avtomobil zavodi qurildi. Mazkur zavodda FAW yuk mashinalari va boshqa maxsus texnikalar ishlab chiqarilmokda. Bu loyiha nafaqat O‘zbekistonning yuk mashinalari sohasidagi ehtiyojlarini qondirishga, balki mahalliy sanoatni rivojlantirishga ham katta hissa qo‘shmokda.
FAW yuk mashinalarining asosiy afzalliklari
FAW kompaniyasining «Tiger V» rusumidagi o‘rta tonnali yuk mashinalari, yuqori samaradorlik, mustaqamlik va yoqilg‘i tejamkorligi bilan ajralib turadi. Ushbu mashinalar, qurilish, qishloq xo‘jaligi, kommunal xizmatlar va yuk tashish kabi sohalarda keng qo‘llanmoqda. FAW Tiger V seriyasidagi modellarning ba’zilari:
· FAW Tiger V Samosval
