O‘zbekistonda 1 martdan 15 avgustga qadar ov mavsumi yopiladi

Ekologiya vazirligi bu vaqt davomida yovvoyi hayvonlar va qushlarni ovlash qat’iy taqiqlangani, ov qoidalarini buzish javobgarlikka sabab bo‘lishidan ogohlantirdi.

O‘zbekistonda 1 martdan 15 avgustga qadar ov mavsumi yopiladi, deb xabar berdi Ekologiya, atrof-muhitni muhofaza qilish va iqlim o‘zgarishi vazirligi.

Bu vaqt davomida yovvoyi hayvonlar va qushlarni ovlash qat’iy taqiqlanadi. Vazirlik ov qoidalarini buzish, xususan, taqiqlangan davrda ov qilish qat’iy javobgarlikka sabab bo‘lishidan ogohlantirdi.

Vazirlik fuqarolardan ov mavsumi tugagan davrda tabiatga yanada ehtiyotkorona munosabatda bo‘lishni so‘radi.

Noqonuniy ovga duch kelganlar vazirlikning 1157, 1207, (71) 207−11−07 va (71) 207−11−08 telefon raqamlari, ecogovuz_bot Telegram botiga yoki tegishli hududiy boshqarmalarga murojaat qilishi mumkin.

#mavsum #ov