Qibrayda psixofaol dorilarni yashirib tarqatayotgan «zakladchik»lar ushlandi

Xodimlar xizmat vaqtida shubhali harakat qilgan 22 yoshlar atrofidagi ikki nafar shaxslarni kuzatganlar. Kuzatuv davomida xodimlardan qochishga uringan 2003 yilda tug‘ilgan shaxs (M.A. va J.M.)lar ushlanib, xolislar ishtirokida ko‘zdan kechirilgan.

Natijada ularning yonida 520 dona qadoqlangan holatdagi kuchli ta’sir qiluvchi, psixofaol dori vositalari borligi aniqlanib, IIB tezkor xodimi ishtirokida daliliy ashyo sifatida rasmiylashtirildi. 

Aniqlanishicha, ushbu shaxslar mazkur vositalarni hududning xufiyona joylarida «zakladka» ko‘rinishida yashirish maqsadida olib kelganlar.

Hozirda holat yuzasidan tergovga qadar tekshiruv harakatlari olib borilmoqda.