Toshkentda mototsikl va skuter ishtirokida YTH sodir bo‘ldi. Haydovchilar vafot etdi

Holat yuzasidan jinoyat ishi qo‘zg‘atilib, dastlabki tergov harakatlari olib borilmoqda.

Foto: Ijtimoiy tarmoqlar

Toshkent shahar IIBB Yo‘l harakati xavfsizligi bosh boshqarmasi Sergeli tumanida sodir bo‘lgan yo‘l-transport hodisasi yuzasidan ma’lumot berdi.

Qayd etilishicha, 8 iyun kuni soat 02:00 larda Sergeli tumani Fayzli Toshkent ko‘chasida 26 yoshli Sh.X. boshqaruvidagi QJ Motors rusumli mototransport vositasi va 25 yoshli M.Z. boshqaruvidagi Drongo rusumli skuter bir-biri bilan to‘qnashib ketgan.

YTH oqibatida haydovchilar olgan tan jarohatlari sabab vafot etgan.

Holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 3-qismi bilan jinoyat ishi qo‘zg‘atilib dastlabki tergov harakatlari olib borilmoqda.