Xitoy Andijon viloyati logistikasiga 500 mln dollar sarmoya kiritadi

Uchrashuvda to‘g‘ridan to‘g‘ri xorijiy investitsiyalarni jalb etish, viloyatda yirik infratuzilma loyihalarini amalga oshirish masalalari muhokama etildi. 

Xususan, Qo‘rg‘ontepa hamda Xo‘jaobod tumanlari hududida qiymati 500 million dollarga teng temiryo‘l va avtologistika yo‘nalishini tashkil etish bo‘yicha kelishuvga erishildi.

Muzokaralardan so‘ng mutasaddilar va xitoylik investorlar loyihalar amalga oshiriladigan yer maydonlariga borib, joyida tanishdi.

Mazkur hamkorlik viloyatda transport-logistika salohiyatini oshirish, yangi ish o‘rinlari yaratish va iqtisodiy rivojlanishni ta’minlashga xizmat qilishi kutilmoqda.