AQSh G‘azoni tiklash bo‘yicha 10 yilga mo‘ljallangan rejani ko‘rib chiqmoqda

AQSh hukumati G‘azo sektorini tiklash va rivojlantirish bo‘yicha 10 yilga mo‘ljallangan rejani ko‘rib chiqmoqda, deb xabar berdi Washington Post gazetasi.

Nashrning yozishicha, rejaga ko‘ra, G‘azo sektori kamida 10 yil, “go‘zal turistik kurort” va yuqori texnologiyalar markaziga aylanmagunicha Vashington shafeligi ostida bo‘ladi. 

Loyihada sektorni tiklash vaqtida butun aholini boshqa mamlakatga yoki qo‘riqlanadigan hududga vaqtinchalik ko‘chirish ko‘zda tutilgan. 

Bundan tashqari, sektorni tark etishga rozi bo‘lgan har bir falastinlikka 5 ming dollar naqd pul beriladi va boshqa joyda yashashi uchun to‘rt yillik ijara haqi hamda bir yillik oziq-ovqat xarajatlarini qoplaydigan subsidiya taqdim etiladi.