Chikago federal qo‘shinlar va agentlar bilan hamkorlik qilmaydi

Chikago politsiyasi (Illinoys shtati), agar AQSh prezidenti Donald Tramp tahdid qilganidek, yaqin kunlarda ularni shaharga yuborsa, Milliy gvardiya qo‘shinlari yoki federal agentlari bilan hamkorlik qilmaydi, dedi shahar meri Brendon Jonson. Boshqa shahar rasmiylari ishtirokida u Chikagoni AQSh huquq-tartibot idoralari o‘tkazadigan har qanday operatsiyaga tayyorlashga qaratilgan buyruqni imzoladi.

«Gap tayyor turish haqida ketmoqda», dedi Jonson buyruqni imzolar ekan. Reuters iqtibos keltirganidek, merning ta’kidlashicha, hujjat shahar xodimlariga va «barcha chikagoliklarga bu zulmga qanday qarshi tura olishimiz haqida» «haqiqiy, aniq yo‘l-yo‘riq» berish uchun mo‘ljallangan.

Buyruqda aytilishicha, Chikago politsiyasi xodimlari shtat va shahar qonunlarini bajarishda davom etadi, ammo federal idoralar, jumladan, Milliy gvardiya bilan birga patrul, hibsga olish yoki boshqa huquqni muhofaza qilish faoliyati bilan shug‘ullanmaydi. Shuningdek, shahar politsiyasidan Chikago politsiyasi formasini kiyish va aholi ularni federal agentlardan osongina ajrata olishi uchun niqob kiyishdan saqlanishni talab qiladi.