Qoʻshimcha funksionallar
-
Tungi ko‘rinish
iPhone 17’ga “ov” boshlandi: Toshkent xalqaro aeroportida 9 ta smartfon to‘xtatib qolindi
Taqdim qilinganidan 13 kun, rasmiy sotuvi boshlanganidan esa 3 kun o‘tib, Toshkent xalqaro aeroportida noqonuniy tarzda iPhone 17 olib kirishga urinish bo‘ldi: “Doha–Toshkent” yo‘nalishi bo‘ylab uchib kelgan fuqaro yuklari orasidan 9 ta smartfon topildi. iPhone’lar huquqbuzarlik ashyosi sifatida vaqtincha saqlovga olingan.
Foto: Davlat bojxona qo‘mitasi
Toshkent xalqaro aeroportida 9 dona iPhone 17 smartfoni noqonuniy olib o‘tilishi fosh etildi. Bu haqda “Toshkent-AERO” ixtisoslashtirilgan bojxona kompleksi xabar berdi.
Ma’lum qilinishicha, kompleksning kontrabandaga qarshi kurashish shu’basi xodimlari tomonidan Toshkent xalqaro aeroporti umumiy uchib kelish zalida tezkor tadbir o‘tkazilgan. Unda “Doha–Toshkent” yo‘nalishi bo‘ylab uchib kelgan hamda bojxona nazorati zonasining “yashil” yo‘lagi orqali harakatlangan O‘zbekiston fuqarosi to‘xtatilib, o‘zi va yuklari ko‘zdan kechirilgan.
Jarayonda fuqaro yuklari orasidan bojxona nazoratiga tegishli tartibda taqdim etilmagan va yo‘lovchi bojxona deklaratsiyasida yozib ko‘rsatilmagan 9 dona iPhone 17 topilgan. Ularning dastlabki taxminiy qiymati 230 mln so‘m deb baholangan. Smartfonlar huquqbuzarlik ashyosi sifatida vaqtincha saqlovga olingan.
Holat yuzasidan fuqaroga nisbatan tegishli protsessual hujjatlar rasmiylashtirilib, bojxona surishtiruv jarayonlari olib borilayotgani bildirilgan.
Eslatib o‘tamiz, Apple 9 sentabr kuni yangi iPhone 17 smartfonlarini taqdim etgandi. 19 sentabrdan sotuvga chiqqan iPhone 17 Pro narxi 1099 dollardan, iPhone 17 Pro Max esa 1199 dollardan boshlanadi.
Mavzuga oid
22:20 / 04.12.2025
Eng ommabop buklamafonlar aniqlandi
20:14 / 04.12.2025
2026 yil smartfon bozori uchun og‘ir kelishi aytilyapti
14:15 / 03.12.2025
Hindiston hukumati smartfonlarda o‘chirib bo‘lmaydigan davlat ilovasini joriy etmoqda
18:09 / 03.11.2025