Toshkent shahrida 8 ta avtobus yo‘nalishi vaqtincha o‘zgardi

21 sentabrdan boshlab Bektemir tumanidagi Bektemir yo‘li va Katta halqa yo‘li ko‘chalari chorrahasida yo‘l inshooti qurilish ishlari olib borilayotgani sababli mazkur chorraha vaqtincha yopildi.

Foto: Toshkent shahar transport bosh boshqarmasi

Shu munosabat bilan 39-, 45-, 68-, 93-, 110-, 117-, 128-, 130-sonli yo‘nalish avtobuslari chorraha atrofida tashkil etilgan vaqtinchalik muqobil yo‘l orqali harakatlanadi.

Qurilish davrida tirbandlik kuchayishi mumkin. Avtobuslarning harakat vaqti hamda intervali odatiy jadvaldagidan biroz uzunroq bo‘lishi ehtimoli bor.

Ishlar davomida zarurat tug‘ilsa, yo‘nalishlarga qo‘shimcha o‘zgartirishlar kiritilishi mumkin. Yo‘lovchilardan qatnovlarni oldindan rejalashtirish so‘raldi.

Tayyorlagan: Отабек Матназаров

#Bektemir tumani #yo‘l