Sergelida 2 ta Matiz to‘qnashuvida uch kishi jarohatlandi

Joriy yilning 12 oktyabr kuni  soat 16:05 larda Sergeli tumani Fayzli Toshkent ko‘chasida yo‘l-transport hodisasi yuz berdi.

Toshkent shahar IIBB YHXB xabariga ko‘ra, 2 ta Matiz rusumli avtomashinalari to‘qnashishi natijasida yo‘l transport hodisasi sodir bo‘lgan.

YTH natijasida 3 nafar YTH ishtirokchilariga shifokorlar tomonidan birinchi tez tibbiy yordam ko‘rsatilgan.

Mazkur holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.