Abakanda og‘ir ahvolga tushgan ona va 3 farzandi vatanga qaytarildi

Ma’lumotga ko‘ra, mazkur oila Abakanda og‘ir moddiy ahvolga tushib, moliyaviy va konsullik yordamiga muhtoj bo‘lgan. Bosh konsulxona vaziyatni tezkor o‘rganib, qaytish uchun zarur hujjatlarni tayyorladi, Migratsiya agentligi vakolatxonasi yordamida aviachiptalar xarid qilindi va oila O‘zbekistonga jo‘natildi.

Tashqi mamlakatlardagi konsullik idoralari amalga oshirayotgan bunday xayrli ishlar Yangi O‘zbekiston tashqi siyosatining insonparvar yo‘nalishini namoyon etadi. 

Rasmiy ma’lumotda ta’kidlanishicha, O‘zbekistonning hech bir fuqarosi e’tibordan chetda qolmaydi, zarurat tug‘ilgan hollarda ularning vatanga yetib kelishi uchun barcha tegishli amallar bajariladi.