1,3 mln dollarlik eksport: O‘zbekiston telefonlari 5 ta mamlakat bozoriga chiqdi

O‘zbekiston 2025 yilning yanvar–sentabr oylarida qiymati qariyb 1,3 mln AQSh dollariga teng bo‘lgan 4 117 dona mobil telefonni xorijga eksport qilgan. Eksport 5 ta davlat bozoriga yo‘naltirilgan.

Ma’lumotlarga ko‘ra, mobil telefonlar quyidagi davlatlarga yetkazib berilgan:

• Birlashgan Arab Amirliklari (BAA) – 2 916 dona;
• Xitoy – 618 dona;
• Afg‘oniston – 397 dona;
• AQSh – 144 dona;
• Shveytsariya – 42 dona.

Keltirilgan raqamlardan ko‘rinib turibdiki, O‘zbekistonda ishlab chiqarilgan mobil telefonlar eksportida asosiy ulushni BAA bozori egallamoqda. Shu bilan birga, Xitoy, Afg‘oniston, AQSh va Shveytsariya kabi turli mintaqaga mansub davlatlar tomonidan ham milliy mahsulotlarga talab mavjud ekani qayd etilmoqda.