15 metrlik gigant: Xitoy ko‘l ostidagi ulkan tunnel uchun maxsus mashina qurdi

Bu hafta Chjenchjou shahrida (Henan provinsiyasi, Markaziy Xitoy) zamonaviy tunnel qazish mashinasi – «Chjensyanxao» ishlab chiqarish konveyeridan chiqdi. U yaqin orada Uhandagi «Ikki ko‘l» tonneli loyihasining Sharqiy ko‘l qismida qo‘llanadi.

Foto: China news

Bu Xitoydagi eng uzun shahar ichidagi ko‘l osti tunneli va dunyodagi eng yirik shunday inshoot bo‘ladi. Mashinaning qazish diametri 15,09 metrni, umumiy uzunligi esa 115 metrni tashkil qiladi. Kompleks aralash gruntlarda yuqori tezlikda ilgarilay oladi va murakkab sharoitlarda muhandislik xatarlarini samarali ravishda minimal darajaga tushirish imkonini beradi.

Uskuna innovatsion tosh qayta ishlash tizimi bilan jihozlangan. U uzluksiz qazish, aniq saralash va yirik toshlarni mexanizatsiyalashgan holda tushirish va tashishni ta’minlay oladi. Bu — murakkab shag‘alli qatlamlarda yangi usulda tunnel qazish uchun ilg‘or, tubdan yangi yechim hisoblanadi.

Tonnel qazish mashinasi China Railway Engineering Equipment Group Co., Ltd. (CREG) kompaniyasi tomonidan ishlab chiqilgan va yasalgan bo‘lib, u mamlakatdagi tunnel qazish mashinasi ishlab chiqaruvchi eng yirik korxona hisoblanadi.

Tayyorlagan: Отабек Матназаров

#Xitoy #tunnel