Qoʻshimcha funksionallar
-
Tungi ko‘rinish
Andijonda YTHdan so‘ng 5 mingdan ortiq kuchli dori vositasining noqonuniy aylanmasi fosh etildi
Davlat xavfsizlik xizmatining Sirdaryo viloyati bo‘yicha boshqarmasi va Bojxona qo‘mitasi hamkorligida o‘tkazilgan tezkor tadbir natijasida, dorifurushlar tomonidan Qirg‘izistondan kontrabanda yo‘li bilan olib kirilgan katta miqdordagi kuchli ta’sir qiluvchi dori vositasining noqonuniy muomalasiga chek qo‘yildi.
Andijon shahri hududida YTHga uchragan Changan SL03 rusumli avtomashina xolislar ishtirokida ko‘zdan kechirilgan. Tekshiruv jarayonida avtomashinaning salon qismida 5 071 dona “Regapen” nomli kuchli ta’sir qiluvchi dori vositasi borligi aniqlangan va ular protsessual tartibda rasmiylashtirib olingan.
Tezkor ma’lumotlarga ko‘ra, ushbu preparatlar Qirg‘izistondan noqonuniy yo‘llar orqali olib o‘tilib, O‘zbekiston hududida noqonuniy savdoga chiqarilishi rejalashtirilgan bo‘lgan.
Hozirda holat yuzasidan Jinoyat kodeksining 251¹-moddasi 5-qismi bilan jinoyat ishi qo‘zg‘atilgan. Tekshiruv doirasida 2 nafar O‘zbekiston fuqarosi gumonlanuvchi tariqasida jinoyat ishiga jalb qilingan.
Tergov harakatlari davom etmoqda.
