«Mustaqillik maydoni» - «Paxtakor» yo‘nalishida poyezd nosozlik sabab to‘xtatildi

Ma’lum qilinishicha, poyezd yo‘lovchilarni qabul qilib, eshiklarini yopayotgan paytda yo‘lovchilardan biri vagonga kirish maqsadida eshikni ochishga uringan. Natijada eshikni himoya qiluvchi qurilma mexanizmi ishdan chiqqan.

Mashinist vaziyatni zudlik bilan bartaraf etganiga qaramasdan, yuzaga kelgan nosozlik keyingi bekatga yetmasdan yana takrorlangan. Shundan so‘ng, yo‘riqnoma talablariga muvofiq, yo‘lovchilar bekatga tushirilib, harakat tarkibi elektrodepoga yo‘naltirilgan.

Metropoliten yo‘lovchilaridan xavfsizlik qoidalariga qat’iy rioya etish, eshiklar yopilayotgan vaqtda vagonga kirishga urinmaslik va metro mulkiga ziyon yetkazmaslik so‘raldi. Qayd etilishicha, e’tiborsizlik yo‘lovchilarning o‘zlari hamda boshqa fuqarolar hayoti uchun xavf tug‘dirishi mumkin.