AYoQShda tekshiruv: davlat standartiga mos bo‘lmagan mahsulotlar aniqlandi

Ma’lum qilinishicha, 2025 yilda neft mahsulotlari bo‘yicha olib borilgan sifat nazorati tadbirlari davomida 799 ta AYoQSh va korxonalardan 2 289 ta namuna olingan. Tahlil natijalariga ko‘ra, 247 ta sub’yektda 8 mln 962 ming litr neft mahsulotlari davlat standart talablariga javob bermasligi, ya’ni sifatsiz ekani aniqlanib, ularning sotuvga chiqarilishi oldi olingan.

Aniqlangan holatlar yuzasidan mahsulot sifatini tiklash bo‘yicha ko‘rsatmalar berilgan hamda uning bajarilishi nazoratga olingani qayd etildi.

Shuningdek, texnik reglament talablariga javob bermaydigan va me’yoridan ortiq zaharli moddalar chiqishiga olib keladigan yonilg‘i-moylash materiallarini realizatsiya qilganlik uchun qonunchilikda belgilangan javobgarlik mavjudligi eslatildi.