Bo‘stonliq tumanidagi Chorvoq suv ombori hududida o‘tkazilgan tadbirda yo‘ltanlamas avtomobillar egalari, avtomobil ishqibozlari, blogerlar, inflyuyenserlar hamda soha ekspertlari ishtirok etdi.
Tadbir test-drayv bilan boshlandi. Buning uchun maxsus off-road yo‘lagi tashkil etilib, ishtirokchilar 212 avtomobillarining turli to‘siqlardan o‘tish imkoniyatlarini amalda sinab ko‘rdi.
Sinov davomida avtomobillarning osma tizimi, yo‘ldan tashqaridagi harakati va murakkab relefdagi boshqaruv imkoniyatlari tekshirildi.
Tadbirning asosiy qismi kechki payt boshlandi. Chorvoq manzarasi fonida 212 egalari bilan bir qatorda Toyota, Nissan, Chevrolet Trailblazer va boshqa yo‘ltanlamas avtomobillar egalari ham bir maydonga jam bo‘ldi. Avtomobillar kolonnasi va ularning bir joyda saf tortgan ko‘rinishi tadbirning eng diqqatga sazovor lahzalaridan biriga aylandi.
Dastur davomida brend faoliyatiga bag‘ishlangan videorolik namoyish qilindi, sahna chiqishlari, sovg‘alar topshirish marosimi va turli interaktiv dasturlar ham bo‘lib o‘tdi.
Kechki qismda Chorvoqdagi quyosh botishi fonida avtomobillar, yoritilgan maydon va mehmonlarning erkin muloqotlari tadbirning o‘ziga xos atmosferasini yanada boyitdi.
Reklama huquqi asosida
