Тошкент метрополитени учун замонавий ҳаракат таркибларини харид қилиш ишлари босқичма-босқич амалга оширилмоқда. 20 июль куни метро парки яна 3 та янги поезд билан тўлдирилди.
Бу жорий ойда олиб келинган иккинчи партия ҳисобланади. Аввалроқ, 12 июл куни ҳам пойтахт метросига 3 та замонавий ҳаракат таркиби етказиб берилган эди.
Натижада 2026 йил давомида харид қилинган поездлар ҳисобидан Тошкент метрополитенидаги замонавий ҳаракат таркиблари сони 47 тага етди.
Маълум қилинишича, 2026 йил сентябр ойига қадар яна 8 та тўрт вагонли ҳаракат таркибини харид қилиш режалаштирилган.
Ушбу янгиланишлар йўловчиларга хавфсиз, қулай ва сифатли метро хизматини кўрсатиш, поездлар ҳаракати интервалларини қисқартириш ҳамда метро вагон паркини босқичма-босқич тўлиқ янгилаш мақсадида амалга оширилмоқда.
