O‘zbekistonda xizmat ko‘rsatgan artist, “Bahor” davlat raqs ansambli raqqosalaridan biri bo‘lgan Nasiba Madrahimova bugun, 23 iyul kuni 80 yoshida vafot etdi. Bu haqda jurnalist Nasriddin Asriddinov ma’lum qildi.
Nasiba Madrahimova Mukarram Turg‘unboyeva nomidagi “Bahor” xalq raqs ansamblining yetakchi raqqosalaridan biri bo‘lib, ansamblda 20 yildan ortiq vaqt davomida faoliyat yuritgan.
U o‘zbek raqs san’ati maktabining atoqli vakilasi sifatida ko‘plab shogirdlarga milliy raqs sirlarini o‘rgatgan.
Nasiba Madrahimova san’at sohasidagi xizmatlari uchun “O‘zbekistonda xizmat ko‘rsatgan artist” unvoni bilan taqdirlangan.
