Milliy statistika qo‘mitasi ma’lumotlariga ko‘ra, 2026-yilning yanvar–iyun oylarida O‘zbekistonda iqtisodiyot va ijtimoiy sohani rivojlantirish uchun barcha moliyalashtirish manbalari hisobidan 338,9 trln so‘mlik asosiy kapitalga investitsiyalar o‘zlashtirilgan.
Ushbu investitsiyalarning 69,5 foizi xorijiy investitsiyalar va kreditlar hissasiga to‘g‘ri kelgan.
O‘zlashtirilgan xorijiy investitsiyalar va kreditlar hajmida davlatlar kesimida Xitoy katta farq bilan yetakchilik qilgan. Uning ulushi 47 foizni tashkil etgan.
Keyingi o‘rinlarda Rossiya - 7,4 foiz va Turkiya - 6,6 foiz ko‘rsatkich bilan qayd etilgan.
Shuningdek, xorijiy investitsiyalar va kreditlar hajmida Saudiya Arabistonining ulushi 4,1 foizni, Birlashgan Arab Amirliklariniki 3,2 foizni, Qozog‘istonniki esa 2,5 foizni tashkil qilgan.
Shu tariqa, 2026-yilning birinchi yarmi yakunlariga ko‘ra, O‘zbekistonda o‘zlashtirilgan xorijiy investitsiyalar va kreditlar tarkibida Xitoy eng yirik ulushga ega davlat bo‘lib qolmoqda.
