Trader Joe’s – AQShda mashhur va sevilmli brendlardan. Birinchi doʻkon Kalifroniyada bundan qariyb 60 yil avval ochilgan. Poytaxt Vashingtonda esa birinchi uchta doʻkon 1998-yilda ochilgan. Bugungi kunga kelib, shaharda 30 ga yaqin filiallar faoliyat koʻrsatmoqda. Xoʻsh, amerikalik isteʼmolchi Trader Joe’s ning nimasini qadrlaydi?
Birinchisi – organik fenomeni. AQSH isteʼmol madaniyatida organik mahsulotlarning qadri baland, bu tendensiya boshlanganiga ancha yillar boʻldi. Trader Joe’s aynan organik takliflari bilan odamlarni qiziqtiradi. Biroq, Amerikada bunday taklifni faqat bu brendgina bermaydi.
Ikkinchidan, mahsulotlarning katta qismi aynan Trader Joe’s brendi ostida chiqariladi. Yaʼni doʻkon oʻz mahsulotlarini oʻzi tanlaydi, nazorat qiladi va xaridorga taklif etadi. Makaron, un, ziravorlar – koʻp mahsulotlarda aynan brend yondashuvini topasiz.
Bu yerga kelgan xaridorlar faqat oziq-ovqat emas, balki oʻziga xos tajriba uchun ham keladi. Doʻkon javonlarida boshqa supermarketlarda rostdan uchramaydigan mahsulotlarni topish mumkin. Shu sababli koʻpchilik har safar yangi narsa va taʼmlarni sinab koʻrish uchun Trader Joe’sga kirib turadi.
Yana bir muhim nuqta shuki, ishchi xalq uchun yarim tayyor va zararsiz mahsulotlar ayni muddao. Qatlama, pitsa, non, makaron, kotlet va steyklargacha yarim tayyori bor, ular zararli moddalardan yiroq.
Narxlar juda arzon emas, lekin oʻta qimmat ham emas. Balans yaxshi ushlangan.
Mutaxassislarning fikricha, doʻkonning muvaffaqiyat siri ham sifat va narx oʻrtasidagi muvozanatda. Kompaniya mahsulotlarni koʻpincha ishlab chiqaruvchilardan toʻgʻridan-toʻgʻri xarid qiladi. Bu esa ortiqcha vositachilar xarajatini kamaytirib, mahsulotlarni arzonroq narxda sotishga imkon bermoqda.
Trader Joe’s mijozlari orasida sodiqlik darajasi ham juda yuqori. Soʻnggi tadqiqotlardan biriga koʻra, xaridorlarning aksariyati bu yerdan xarid qilishda davom etishini bildirgan. Xaridorlar ichida oʻnlab yillardan beri bu doʻkonlarga keluvchilar koʻplab.
Trader Joe’s’da hatto shkalad, shirinlik va ichimliklargacha organik desa boʻladi.
Ammo, AQShda yaratilgan brendning bugungi egalari Germaniyadagi nemislar. Yaʼni. Amerikaliklar mehrini qozongan savdo belgisiga aslida boshqa davlat egalik qilmoqda.
