Toshkent viloyati IIBB YHXB xodimi, kapitan Otabek Hakimov Oʻrta Chirchiq tumanida xizmat vazifasini bajarayotgan vaqtda yoʻl-transport hodisasi oqibatida avtomobil kanalga tushib ketganini koʻrgan.
Mashina ichida boʻlgan ikki fuqaro choʻkib ketish xavfi ostida qolgan.
Maʼlum qilinishicha, YPX xodimi vaziyatning xavfli ekaniga qaramay, zudlik bilan suvga tushgan va fuqarolardan birini kanal qirgʻogʻiga olib chiqishga muvaffaq boʻlgan.
Tezkor koʻrsatilgan yordam natijasida avtomobil ichida boʻlgan ikki fuqaroning hayoti saqlab qolingan.
Jabrlanganlarga voqea joyida birinchi tibbiy yordam koʻrsatilib, keyinchalik shifoxonaga yetkazilgan.
Kapitan Otabek Hakimovning harakatlari ichki ishlar organlari tomonidan eʼtirof etildi. U xizmat vaqtida koʻrsatgan jasorati uchun pul mukofoti va esdalik sovgʻasi bilan ragʻbatlantirildi.
