Samarqandda oʻtayotgan Butunjahon shaxmat olimpiadasining 4-tur bahslari yakunlandi.
Erkaklar oʻrtasida Oʻzbekistonning asosiy terma jamoasi Turkiyani 2,5:1,5 hisobida magʻlub etdi. Nodirbek Yoqubboyev oʻz taxtasida gʻalaba qozongan boʻlsa, Nodirbek Abdusattorov, Javohir Sindarov va Shamsiddin Vohidov durang qayd etdi.
Musobaqa favoriti sanalayotgan AQSH terma jamoasi Ukrainani 3,5:0,5 hisobida yengdi. Hindiston esa Ispaniyani 3:1 hisobida magʻlub etdi.
Xitoy terma jamoasi Serbiyani 3:1 hisobida magʻlub etib, musobaqa peshqadami boʻlib oldi. Oʻzbekiston terma jamoasi 2-oʻringa koʻtarildi.
Oʻzbekiston-2 terma jamoasi Yangi Zelandiyani 2,5:1,5 hisobida yengdi. Oʻzbekiston-3 terma jamoasi Yaman ustidan 3,5:0,5 hisobida yirik gʻalabaga erishdi.
Ayollar turnirida Oʻzbekistonning asosiy terma jamoasi Argentinani 3:1 hisobida magʻlub etdi. Gulruxbegim Tohirjonova va Umida Omonova gʻalaba qozondi, Afruza Hamdamova hamda Guldona Karimova durang oʻynadi. Bu gʻalabadan keyin Oʻzbekiston terma jamoasi AQSH va Polshadan keyin 3-oʻringa koʻtarildi.
Oʻzbekiston-2 terma jamoasi Qirgʻizistonga 1:3 hisobida imkoniyatni boy berdi. Oʻzbekiston-3 terma jamoasi Kubaga 1,5:2,5 hisobida yutqazdi.
5-tur oʻyinlari 20-sentabr kuni oʻtkaziladi.
46-Butunjahon shaxmat olimpiadasi Samarqandda 27-sentabrgacha davom etadi.
