Samarqandda oʻtayotgan Butunjahon shaxmat olimpiadasining 5-tur bahslari yakunlandi.
Erkaklar oʻrtasida Oʻzbekistonning asosiy terma jamoasi Vengriyaga hech qanday imkoniyat qoldirmadi. Nodirbek Yoqubboyev, Nodirbek Abdusattorov, Javohir Sindarov va Shamsiddin Vohidov raqiblari ustidan gʻalaba qozonishdi.
Oʻzbekiston-2 terma jamoasi Filippinni 2,5:1,5 hisobida yengdi. Oʻzbekiston-3 terma jamoasi Avstriya bilan 2:2 hisobidagi durangga imzo chekdi.
Ayollar turnirida Oʻzbekistonning asosiy terma jamoasi AQSH bilan 2:2 hisobida durang oʻynadi.
Oʻzbekiston-2 terma jamoasi Tunis ustidan 4:0 hisobida gʻalaba qozondi. Oʻzbekiston-3 terma jamoasi Madagaskarni 3,5:0,5 hisobida yengdi.
6-tur oʻyinlari 21-sentabr kuni oʻtkaziladi.
46-Butunjahon shaxmat olimpiadasi Samarqandda 27-sentabrgacha davom etadi.
