DW xabariga koʻra, Klichko hujum oqibatlari haqida Telegram-kanalida maʼlumot bergan.
Desnyanskiy tumanida dastlabki maʼlumotlarga koʻra, tibbiyot markazi binosiga zarba tekkan. Dneprovskiy tumanida noturar joy binosi, Solomenskiy tumanida esa 25 qavatli turar joyning birinchi qavati zarar koʻrgan.
Dnepr daryosining chap sohilidagi metro stansiyalaridan biri ham shikastlangan. Merning bildirishicha, parchalar tushishi oqibatida u yerda relslar uzilgan.
Ukraina Qurolli kuchlari Havo kuchlari 18-oktabr kechqurun Kiyev ballistik raketa bilan hujumga uchraganini xabar qilgan.
