Қўшимча функционаллар
-
Тунги кўриниш
Божхона қўмитаси раисига янги ўринбосар тайинланди
Давлат божхона қўмитаси раиси Муроджон Азимовга яна бир ўринбосар тайинланди. Қўмитанинг Жиззах вилояти бўйича бошқармаси бошлиғи лавозимида фаолият юритиб келаётган Нодир Мусамуҳамедов қўмита раиси ўринбосари сифатида иш бошлади.
Давлат божхона қўмитаси матбуот хизмати хабар беришича, Ўзбекистон президентининг 2021 йил 8 июлдаги ПҚ-5179-сон қарорига биноан Нодир Камалитдинович Мусамуҳамедов Давлат божхона қўмитаси раиси ўринбосари лавозимига тайинланди.
Ўз навбатида, президент фармойиши билан қўмитанинг Самарқанд вилояти бўйича бошқармаси бошлиғининг биринчи ўринбосари Шавкат Солиҳов Нодир Мусамуҳамедовнинг ўрнига Жиззах вилояти бўйича бошқарма бошлиғи лавозимини эгаллаган.
Нодир Мусамуҳамедов қўмита раиси ўринбосарлигида вакант лавозимни эгаллади. 2021 йилнинг майида 2010 йилдан буён қўмита раиси ўринбосари бўлган Ғофуржон Шукуров Давлат божхона қўмитасининг Тошкент вилояти бўйича бошқарма бошлиғи этиб тайинлангач, бу лавозим бўш қолаётганди.
Йил бошидан буён Божхона қўмитаси раисининг икки ўринбосари алмашганди. 2020 йил ноябрида Анвар Асамов бошқа ишга ўтказилгач (аввалига инвестициялар ва ташқи савдо вазири ўринбосари, 2021 йил апрелидан қишлоқ хўжалиги вазири ўринбосари), вакант қолган биринчи ўринбосар лавозимига 2021 йил февралида Илҳом Мухторов тайинланганди.
2021 йил апрелида эса Бахтиёр Раҳимов инвестициялар ва ташқи савдо вазирининг ўринбосари лавозимига ўтказилгач, унинг ўрнига Ўткир Қодиров Давлат божхона қўмитаси раисининг ўринбосари лавозимига тайинланганди.
Айни вақтда Божхона қўмитаси раисининг яна бир ўринбосари бор - 2016 йил январидан буён Муталибжон Солиев ҳам раис ўринбосари лавозимида ишлаб келмоқда.
Тавсия этамиз
Бозор – гўшт нархи ҳақида: “Ем-хашак қиммат, мол боқиш осон бўлмай қолди”
Ўзбекистон | 17:00 / 27.05.2025
Пойтахт бош режаси интерактив харитада: унда нималар акс этган?
Ўзбекистон | 14:30 / 27.05.2025
“Виза беришни осонлаштириш ҳақида гап-сўз йўқ” – АҚШ элчихонаси
Ўзбекистон | 19:28 / 26.05.2025
Макрон Ветнамга ташрифи чоғида рафиқасидан шаппати еди
Жаҳон | 16:40 / 26.05.2025
Сўнгги янгиликлар
-
Ўзбекистоннинг Португалиядаги янги элчиси тайинланди
Ўзбекистон | 16:09
-
AP: Россия қамоқхоналарида 200 дан ортиқ украиналик ҳарбий асир ҳалок бўлди
Жаҳон | 15:30
-
Таниқли журналист ва блогер Ўзбекистоннинг Кувайтдаги туризм элчиси этиб тайинланди
Ўзбекистон | 15:01
-
Samsung Display Россия металларини сотиб олишни тўхтатди
Жаҳон | 14:38
Мавзуга оид
12:08 / 13.05.2025
Техник жиҳатдан тартибга солиш агентлиги директорига ўринбосар тайинланди
19:44 / 07.05.2025
Яна иккита университет ректори ўзгарди
17:31 / 07.05.2025
Таълим сифатини таъминлаш миллий агентлигига директор тайинланди
11:53 / 06.05.2025
ИИВда ахборот технологиялари бўйича ўринбосар лавозими тугатилди, янги департамент тузилди
