Ғофуржон Шукуров (ўнгда) Фото: Gazeta.uz

Давлат божхона қўмитаси раисининг ўринбосари Ғофуржон Шукуров бошқа ишга ўтиши муносабати билан 7 май куни лавозимидан озод этилган. Бу маълумотни Kun.uz’га қўмита ахборот хизмати раҳбари Нурбек Саломов тасдиқлади.

Маълум бўлишича, Ғофуржон Шукуров инвестициялар ва ташқи савдо вазирининг ўринбосари бўлган Отабек Чориевнинг ўрнига Давлат божхона қўмитасининг Тошкент вилояти бўйича бошқарма бошлиғи этиб тайинланган.

Эслатиб ўтамиз, Ғофуржон Шукуров 2010 йилдан буён Давлат божхона қўмитаси раисининг ўринбосари сифатида фаолият кўрсатиб келаётган эди.