Расман: Рамазон ҳайити 20 март куни нишонланади

Жорий йилда Рамазон ҳайитининг биринчи куни 20 март – жума кунига тўғри келади.

Президент қарори билан, Ўзбекистон мусулмонлари идорасининг шу ҳақдаги ахбороти қабул қилиниб, 20 март – Рамазон ҳайити байрами сифатида кенг нишонланиши белгиланди.

Ҳайит ва Наврўз байрамлари муносабати билан дам олиш кунлари қуйидагича бўлди:

• 20 март (жума) – Рамазон ҳайити куни – барча учун дам олиш куни;
• 21 март (шанба) – Наврўз байрами куни – барча учун дам олиш куни;
• 22 март (якшанба) – дам олиш куни;
• 23 март (душанба) – 5 кунлик иш ҳафтасидаги ходимлар учун дам олиш куни (ишланмайдиган байрам куни дам олиш кунига тўғри келганлиги сабабли, байрамдан кейинги иш кунига кўчирилган дам олиш куни), 6 кунлик иш ҳафтасидаги ходимлар учун одатий иш куни.