Малайзиянинг Malaysia My Second Home (MM2H) дастури хорижликларга мамлакатда узоқ муддат яшаш ҳамда кўчмас мулк харид қилиш имкониятини тақдим этади. Дастур кимлар учун мўлжалланган? У қандай афзалликларни таклиф этади? Малайзиянинг қайси ҳудудларида уй-жой харид қилиш мумкин?
MM2H дастури нимани таклиф этади?
Малайзия сўнгги йилларда Жануби-Шарқий Осиёда яшаш ва инвестиция қилиш учун истиқболли йўналишлардан бири сифатида эътибор қозонмоқда. Ривожланган инфратузилма, халқаро стандартдаги таълим ва тиббиёт хизматлари, нисбатан мақбул нархлардаги кўчмас мулк бозори ҳамда қулай географик жойлашуви мамлакатнинг асосий афзалликлари саналади.
Шу омилларни ҳисобга олган ҳолда ишлаб чиқилган Malaysia My Second Home (MM2H) дастури хорижликларга Малайзияда узоқ муддат яшаш имконини беради. Дастур доирасида иштирокчилар кўчмас мулк харид қилиш, оиласи билан истиқомат қилиш ҳамда мамлакатнинг турли хизматларидан фойдаланиш имкониятига эга бўлади.
MM2H дастури, айниқса, хорижда иккинчи уй сотиб олишни, инвестицияларини диверсификация қилишни ёки келажакда оила билан узоқ муддат яшаш имкониятларини кўриб чиқаётган фуқаролар учун мўлжалланган.
Малайзия пойтахти Куала-Лумпурдан тортиб Пенанг, Жоҳор Баҳру ва Лангкави каби ҳудудларгача хорижлик харидорлар учун турли тоифадаги кўчмас мулк вариантлари мавжуд. Замонавий турар жой мажмуалари, денгиз бўйидаги уйлар ва инвестиция лойиҳалари харидорларнинг мақсадига қараб танланиши мумкин.
MM2H кимлар учун мос?
MM2H дастури Малайзияда доимий фуқароликни эмас, балки узоқ муддат яшаш имкониятини излаётган хорижликлар учун ишлаб чиқилган. Дастур иштирокчилари Ўзбекистондаги бизнеси ёки шахсий фаолиятини давом эттирган ҳолда, Малайзияда ҳам истиқомат қилиш имконига эга бўлади.
Дастур қуйидаги мақсадларни кўзлаётганлар учун қизиқарли бўлиши мумкин:
хорижда иккинчи уй сотиб олишни режалаштираётган оилалар;
инвестицияларни диверсификация қилмоқчи бўлган инвесторлар;
Жануби-Шарқий Осиёда бизнес алоқаларини ривожлантиришни истаётган тадбиркорлар;
фарзандларига халқаро таълим олиш имкониятини яратмоқчи бўлган ота-оналар;
пенсиядан кейинги ҳаётини қулай иқлим ва ривожланган инфратузилмага эга мамлакатда ўтказишни режалаштираётган фуқаролар.
Нега айнан Малайзия?
Малайзия хорижлик резидентлар учун қулай шароитлари билан ажралиб туради. Мамлакат сиёсий барқарорлик, ривожланган транспорт инфратузилмаси, замонавий тиббиёт марказлари ва халқаро таълим муассасалари билан танилган.
Ўзбекистон фуқаролари учун эса қуйидаги жиҳатлар алоҳида аҳамиятга эга:
Жануби-Шарқий Осиёдаги қулай географик жойлашув;
замонавий турар жой мажмуаларининг кенг танлови;
инглиз тилининг бизнес ва кундалик ҳаётда кенг қўлланиши;
халқаро мактаб ва университетларнинг мавжудлиги;
Осиё ҳамда дунёнинг йирик шаҳарларига ривожланган авиақатновлар;
ишбилармонлик муҳити ва қулай турмуш тарзининг уйғунлиги.
Шунингдек, Малайзияда ҳалол озиқ-овқат маҳсулотлари кенг тарқалган, масжидлар инфратузилмаси ривожланган ва турли миллат ҳамда дин вакиллари тинч-тотув яшайдиган жамият шаклланган. Бу эса Марказий Осиё давлатларидан келаётган оилаларнинг янги муҳитга мослашишини енгиллаштиради.
Малайзияда кўчмас мулк бозори нималари билан ажралиб туради?
Малайзия кўчмас мулк бозори Осиёнинг кўплаб йирик шаҳарлари билан таққослаганда нарх ва таклифлар хилма-хиллиги билан ажралиб туради. Хорижлик харидорлар замонавий турар жой мажмуалари, сервис кўрсатиладиган апартаментлар, ҳовлили уйлар, денгиз бўйидаги виллалар ҳамда премиум турар жойларни танлаши мумкин.
Уй-жой харид қилишдан олдин харидорнинг мақсадини аниқлаб олиш муҳим. Айримлар инвестиция учун кўчмас мулк харид қилса, бошқалар оиласи билан яшаш ёки иккинчи уйга эга бўлишни мақсад қилади. Шунга қараб ҳудуд ва объект тури танланади.
Куала-Лумпур
Малайзия пойтахти Куала-Лумпур мамлакатнинг иқтисодий ва молиявий маркази ҳисобланади. Бу ерда бизнес марказлари, халқаро компаниялар, элчихоналар, замонавий тиббиёт муассасалари, савдо ва кўнгилочар марказлар жамланган.
Шаҳар, айниқса, замонавий инфратузилма ва ривожланган хизматлар тизимига эга ҳудудда яшашни истовчилар учун мақбул вариант ҳисобланади. KLCC, Монт Киара, Бангсар, Букит Бинтанг ҳамда Дамансара хорижлик харидорлар орасида талаб юқори бўлган ҳудудлар сирасига киради.
Пенанг
Пенанг денгиз бўйидаги турмуш тарзи, тарихий масканлари ва ривожланган тиббиёт инфратузилмаси билан машҳур.
Ҳудуд тинчроқ муҳитни афзал кўрадиган оилалар, масофадан ишловчи мутахассислар ҳамда пенсиядан кейинги ҳаётини Малайзияда ўтказишни режалаштираётганлар орасида оммалашган.
Жоҳор Баҳру
Сингапур билан чегарадош Жоҳор Баҳру стратегик жойлашуви сабаб инвесторлар эътиборини тортмоқда.
Ҳудуд транспорт алоқалари, янги турар жой лойиҳалари ва бизнес имкониятлари билан ажралиб туради. Сингапур билан яқин
иқтисодий алоқалар ҳам ушбу йўналишнинг жозибадорлигини оширади.
Лангкави
Лангкави табиат қўйнида, денгиз бўйида яшашни истовчилар учун мос ҳудудлардан бири ҳисобланади.
Бу ерда асосан виллалар, курорт услубидаги турар жойлар ҳамда дам олиш масканлари жойлашган. Хотиржам ҳаёт тарзи ва табиий муҳитни қадрловчилар учун Лангкави мақбул танлов бўлиши мумкин.
Мелака ва бошқа ҳудудлар
Тарихий мероси билан машҳур Мелака ҳамда ривожланаётган бошқа ҳудудларда ҳам кўчмас мулк бозори фаол ривожланмоқда.
Мазкур ҳудудлар нисбатан мақбул нархдаги уй-жойларни излаётган ҳамда узоқ муддатли инвестицияни режалаштираётган харидорлар учун қизиқиш уйғотиши мумкин.
Оилалар учун қандай имкониятлар мавжуд?
Малайзия оилавий яшаш учун зарур инфратузилмага эга давлатлардан бири ҳисобланади.
Мамлакатдаги халқаро мактабларда Британия, АҚШ, Австралия ҳамда International Baccalaureate (IB) дастурлари асосида таълим берилади. Бу эса фарзандларининг халқаро таълим олишини истайдиган оилалар учун қўшимча имконият яратади.
Йирик шаҳарларда савдо марказлари, истироҳат боғлари, спорт мажмуалари, ресторанлар, тиббиёт марказлари ва сервис хизматлари ривожланган. Шунингдек, кўплаб турар жой мажмуаларида хавфсизлик, консерж, мулкни бошқариш ва бошқа хизматлар йўлга қўйилган.
Кўчмас мулк харид қилишдан олдин нималарга эътибор бериш керак?
Ҳар қандай хорижий инвестиция сингари, Малайзияда ҳам кўчмас мулк харид қилишдан олдин ҳуқуқий ва молиявий масалаларни пухта ўрганиш тавсия этилади.
Хусусан, қуйидаги омилларга эътибор қаратиш муҳим:
- MM2H дастурининг амалдаги талаблари ва шартлари;
- хорижликлар учун белгиланган кўчмас мулк хариди қоидалари;
- объект жойлашган ҳудуднинг ривожланиш истиқболлари;
- харид билан боғлиқ солиқлар ва қўшимча харажатлар;
- мулкни бошқариш ва ундан фойдаланиш шартлари.
Мутахассислар билан маслаҳатлашиш ҳамда объектларни жойига бориб кўриш якуний қарор қабул қилишда муҳим аҳамият касб этади.
Малайзияга ташриф дастури
MM2H дастури ва Малайзия кўчмас мулк бозори билан яқиндан танишишни истовчилар учун Тошкентдан Куала-Лумпурга махсус таништирув сафари ташкил этилади.
4 кеча ва 5 кун давом этадиган дастур доирасида иштирокчилар:
Куала-Лумпурнинг нуфузли ҳудудларидаги турар жой мажмуалари билан танишади;
кўчмас мулк бўйича мутахассислар ва лойиҳа вакиллари билан учрашади;
MM2H дастури юзасидан индивидуал маслаҳат олади;
халқаро мактаблар ҳамда оилавий инфратузилма билан танишиш имкониятига эга бўлади.
Сафар давомида KLCC, TRX, Монт Киара, Бангсар, Дамансара Heights ва Деса ParkCity каби ҳудудлардаги лойиҳалар билан танишиш режалаштирилган.Таклиф этилаётган пакетлар якка саёҳатчилар, оилалар ҳамда инвестиция имкониятларини ўрганаётган мижозларнинг эҳтиёжидан келиб чиқиб шакллантирилган.
Боғланиш
MM2H дастури ва Малайзияга ташриф пакетлари бўйича батафсил маълумотни Теlegram-канали ёки +998 77 443 3000 телефон рақами орқали олиш мумкин.
Ташкилотчилар маълумотига кўра, дастлабки 30 нафар иштирокчи учун тур пакетларига 30 фоизгача чегирма тақдим этилади.
Телеграм - https://t.me/MalaysiaUyJoyMM2H
Реклама ҳуқуқи асосида
