Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 17:30 / 28.10.2015
    3051
    1 дақиқада ўқилади

    Lonely Planet келаси йилнинг асосий туристик йўналишлари номини айтди

    Lonely Planet нашри экспертлари 2016 йилнинг асосий туристик йўналишлари номини айтишди. The Daily Mail нашрида таъкидланишича, рейтингда биринчи ўринга Ботсвана қўйилди.

    Мутахассислар ўзларининг туристлар учун тавсияларини Best In Travel 2016 тўпламида эълон қилишди. Уларнинг фикрича, Ботсвана “чўллар ва дарёлар уйғунлигидан иборат ноёб ҳудуд бўлиб, улкан миқдордаги йиртқич жониворларни жалб қилади, бу ёввойи ва экзотик мамлакатдир”.

    Иккинчи ва учинчи ўринлар Япония ва АҚШга насиб қилди. АҚШ “автомобилда сайр қилишни яхши кўрувчи туристлар жаннати” деб аталди.

    2016 йилда туристлар бориши мумкин бўлган шаҳарлар учун ҳам алоҳида рейтинг тузилди. Биринчи ўринни Черногориядаги Котор шаҳри эгаллади. Шунингдек, Руминиядаги Бран қасри, Эквадор пойтахти Кито, Дублин, Манчестер, Рим рўйхатдан ўрин олди.