Россия ва Украина терма жамоалари ўз майдонларида ўртоқлик учрашуви ўтказди

Футбол бўйича Россия миллий терма жамоаси Руминия билан назорат учрашувини ўтказди. Учрашув Грозний шаҳридаги «Ахмат-Арена»да бўлиб ўтди ва мезбонлар фойдасига ҳал бўлди. 

Деярли тенг кучлар остида кечган ўйиннинг қўшиб берилган дақиқаларида Магомед Оздоевнинг урган голи ҳисобига Россия термаси кичик устунлик билан ғалаба қозонди. 

Айни вақтда, Руминия термаси ФИФА рейтингида 34-ўринда, Россия 53-ўринда. 

Украина миллий терма жамоаси Харьков шаҳридаги «Металлист» стадионида Сербия термасини қабул қилди. Учрашув Андрей Шевченко шогирдларининг 2:0 ҳисобида устун келиши билан якунланди. 

Ўйиндаги биринчи голни 38-дақиқада яримҳимоячи Евгений Шахов киритган бўлса, 86-дақиқада ҳужумчи Андрей Ярмоленко пенальти ишлаб, уни ўзи амалга оширди. 

Россия – Руминия 1:0 (0:0, 1:0)
Гол: 1:0 – 90 Оздоев.
Россия – Акинфеев, Кутепов, Кудряшов (Новосельцев, 84), Семенов, Жирков (Оздоев, 46), Глушаков, Миранчук (Полоз, 61), Зобнин, Могилевец (Ерохин, 68), Самедов, Кокорин.
Румыния – Пантилимон, Латовлевич (Филип, 66), Сэпунару, Григоре (Цыру, 90), Препелицэ, Энаке, Марин, Ротарю, Грозав (Попа, 83), Андоне, Станку (Неделку, 90).
Огоҳлантириш: Препелицэ (71).

Украина – Сербия 2:0 (1:0, 1:0)
Голлар: 1:0 – 38 Шахов, 2:0 – 87, пенальти Ярмоленко.
Украина – Бойко, Кривцов, Ордец, Бутко, Федецкий, Шахов (Зинченко, 77), Малышев, Цыганков (Ярмоленко, 65), Сидорчук (Ротань, 46), Караваев (Петряк, 46), Зозуля (Беседин, 62).
Сербия – Райкович (Йованович, 46), Тошич (Максимович, 83), Митрович, Пейчинович, Младенович, Тошич (Маркович, 46), Гудель, Катаи (Митрович, 69), Радоя, Игньовски (Иванович, 77), Павлович (Пешич, 46).
Огоҳлантиришлар: Зозуля (61), Ротань (79), Иванович (87).