Ассанж Обама маъмурияти нимани исботлашга уринаётганига изоҳ берди

Фото: AP

WikiLeaks халқаро ташкилоти асосчиси Жулиан Ассанж Fox News телеканалига берган интервьюсида Обама маъмуриятининг АҚШдаги сайлов жараёнларига гўёки россиялик хакерлар аралашганига диққатни қаратаётганига изоҳ берди.

"Улар шу каби баёнотлари билан яқинда Оқ уйга эгалик қиладиган Дональд Трамп қонуний сайланган президент ҳисобланмаслигини исботлашга уринишмоқда", - дейди Ассанж.

Шунингдек журналист WikiLeaks сўнгги бир неча ойда, сайловлар олдидан чоп этган Демокоратик партия ҳужжатлари россиялик хакерлардан олингани тўғрисидаги маълумотни рад этди.

"Бизнинг манбамиз - давлат эмас. Шу боис ҳамкорлик ҳақидаги саволга жавобим "йўқ", - дея таъкидлади Ассанж. У ҳужжатлар манбасини ошкор қилмади.

Ассанж WikiLeaks мақолалари Америкадаги президентлик сайловлари натижаларига таъсир кўрсатган ё кўрсатмаганлигига оид саволга аниқ жавоб бера олмади. У фақат Ҳиллари Клинтоннинг мағлубиятига унинг шахсий баёнотлари, шунингдек, сайлов штаби раҳбари Жон Подестой ва Демократик партия миллий қўмитаси раиси Дебби Вассерман-Шульц томонидан айтилган сўзлар сабаб бўлганини маълум қилди.