БАА бош прокурори: Қатарга раҳми келган фуқаролар 15 йилга қамалиши мумкин

Фото: РИА "Новости"

Бирлашган Араб Амирликлари бош прокурори Ҳамад Саиф ал-Шамсининг айтишича, интернетда Қатарга раҳми келганини билдирган ёки БААнинг қўшни давлатга нисбатан позициясини танқид қилган фуқаролар жазоланиши мумкин.

Al Arabia’нинг хабар беришича, ижтимоий тармоқларда Қатарга нисбатан ижобий туйғуларини ёки раҳми келганини билдирганлар уч йилдан 15 йилга қадар озодликдан маҳрум қилиниши ва тахминан 150 минг АҚШ долларилик жаримага тортилиши мумкин.

Бош прокурор Ҳамад Саиф ал-Шамси бундан аввал ҳам ижтимоий тармоқларда Қатарга нисбатан ижобий фикрни билдириш эндиликда жиноят эканини маълум қилганди.

Тайёрлаган Отабек Матназаров

#БАА #Қатар

Форс кўрфазида жиддий сиёсий инқироз юзага келди. Саудия Арабистони, Миср, Баҳрайн, БАА, Яман, Ливия ва Мальдив бошқа бир араб давлати Қатар билан дипломатик алоқаларни узди. Бунга Қатар Эронни ва терроризмни қўллагани сабаб сифатида кўрсатилмоқда.