Трамп Саудия, БАА ва Қатар раҳбарлари билан телефонда суҳбатлашди

Фото: AP

АҚШ президенти Дональд Трамп Саудия Арабистони, Қатар ва БАА раҳбарлари билан телефонда музокаралар ўтказди. Бу ҳақида Оқ уй сайтида хабар берилди.

"Трамп терроризмни молиялаштиришни тўхтатиш муҳимлигини тасдиқлади. Президент шунингдек терроризмга қарши курашиш ва барқарорликка эришишда минтақадаги бирлик катта аҳмият касб этишини таъкидлади", - дейилади баёнотда.

Гап шундаки, 5 июнда БАА, Саудия Арабистони, Баҳрайн, Яман, Миср, Ливия, Мальдив Республикаси ва Маврикий Қатарни терроризмни қўллаб-қувватлашда айблаб, у билан дипломатик алоқаларни тўхтатиш ҳақида эълон қилишди.