АҚШ президенти Доналд Трамп 12 ноябрь куни Вашингтон Эрон билан битим тузишга ортиқ эҳтиёж сезмаётганини билдирди.
«Бизга Эрон билан келишув керак эмас. У кунлар аллақачон ўтиб кетди», — деб ёзди Америка етакчиси Truth Social ижтимоий тармоғида.
У АҚШ «уларнинг (Эроннинг) пулларини олгани»ни ҳамда Ҳўрмуз бўғозини ҳам назорат қилаётганини қайд этди.
Трамп, шунингдек, аввалроқ Эрон масаласини тартибга солиш билан шуғулланган вице-президент Жей Ди Вэнсга асосий эътиборни «демократлар бошқараётган шаҳар ва штатлардаги оммавий коррупция ҳамда жиноятчиликка барҳам бериш»га қаратишни топширганини қўшимча қилди.
«У ерда ҳар ой миллиардлаб доллар ўғирланмоқда», — дею ёзди президент.
Унинг сўзларига кўра, коррупцияга оид жиддий муаммолар, хусусан, Миннесота, Калифорния ва Иллинойсда яққол кўзга ташланмоқда.
