Австралия ташқи ишлар вазирлиги Шимолий Корея томонидан қитъалараро баллистик ракетанинг учирилишини қоралади.
«Австралия минтақада КХДР хатти-ҳаракати ва сиёсати сабаб пайдо бўлаётган таҳдидга керакли жавоб бўлган ҳимоя чоралари амалга оширилаётганини қўллайди. Минтақада босимнинг кескинлашишига КХДР режими масъулдир», - дейилади Австралия ТИВ сайтидаги баёнотда.
Шунингдек, Австралия Хитойни КХДРга босим кўрсатишга чақирди. Маълум қилинишича, шу орқали Пхеньянни келажакда шундай синовни ўтказмасликка кўндириш мумкин экан.
Аввалроқ Япония ва АҚШ КХДРга босимни кучайтириш ниятида экани хабар берилганди.
