Нью-Йоркда Трампнинг ноодатий ҳайкали ўрнатилди (фото)

Нью-Йоркнинг Манхэттенидаги хиёбонда АҚШ президенти Дональд Трампнинг ноодатий ҳайкали ўрнатилди. У ўтирган ҳолда кабутарларни твитлар билан боқаётгани тасвирланган, деб хабар бермоқда Newsweek.

Таъкидланишича, ҳайкал лой ва шунга ўхшаш материаллардан тайёрланган. Унинг муаллифи - Алекс Гардега.

Унинг сўзларига кўра, ҳайкал Америка президентини на қўллаб-қувватлаш ва на қоралашни мақсад қилган.

«Мени шунчаки унинг твитлари кучи ҳайратга солади. Бу деярли санъат, бу кишиларнинг ақлини ўғрилайди», - дея маълум қилди Гардега.

Аввалроқ Трампнинг биргина твити Amazon’нинг деярли 6 млрд доллар йўқотишига сабаб бўлгани хабар берилганди.