Испанияда Барселонага яна бир ҳужум уюштириш учун тайёрлаб қўйилган 120 та газ баллони топилди

Испаниялик полициячилар Альканар шаҳридаги уйлардан бирида тахминан 120 та газ баллонларини топди. Ҳуқуқни муҳофаза қилиш идораси ходимларининг тахминича, террорчилар Барселонада яна бир ҳужум уюштириш учун портловчи қурилмани тайёрлашмоқчи бўлган. Бу ҳақда AFP полицияга асосан хабар қилмоқда.

— Шу аниқ бўлмоқдаки, Альканардаги уй улар Барселонада яна битта ёки бир неча ҳужумни амалга ошириш учун портловчи қурилмани тайёрлаган жой бўлган, — дея Каталония полицияси бошлиғи Хосеп Луис Траперонинг сўзларини келтиради нашр.

Эслатиб ўтамиз, 17 август куни Каталонияда қатор терактлар юз берди. Ҳужумлар оқибатида 14 киши ҳалок бўлди. Ҳодиса учун масъулиятни ИШИД ўз зиммасига олди.