Фото: Газета.Ru
Москванинг Замоскворецкий судида собиқ вазир Алексей Улюкаевнинг иши бўйича тўққизинчи гувоҳ сўроқ қилинди. Собиқ вазирнинг собиқ котибаси Ирина Дютинанинг айтишича, Иқтисодий тараққиёт вазири қўлга олинадиган куни «Роснефть» раҳбари Игорь Сечин суҳбат ташаббускори бўлган, деб хабар қилмоқда «Газета.Ru».
«Сечин қабулхонасидан қўнғироқ бўлди, котиб Улюкаев Алексей Валентинович билан улаб беришни сўради», — деган котиба.
Шу билан бирга, Дютина Сечин ўша кунгача собиқ вазирга телефон қилган ёки қилмаганини эслай олмаган.
«Менга икки эркак кишининг суҳбатини эшиттиришди. Улардан бири Улюкаев Алексей Валентинович эди, иккинчисини — Сечин Игорь Иванович деб айтишди», — деб қўшимча қилган у.
