Пентагон раҳбари ва НАТО бош котиби Афғонистонга эълон қилинмаган ташриф билан келди

АҚШ мудофаа вазири Жеймс Мэттис НАТО бош котиби Йенс Столтенберг билан биргаликда Кобулга эълон қилинмаган ташриф билан келди. Бу ҳақда CNN телеканали хабар берган.

Таъкидланишича, бу АҚШ президенти Дональд Трамп Вашингтоннинг янги стратегияси ҳақида маълум қилганидан сўнг, Мэттиснинг Афғонистонга биринчи марта боришидир.

Дональд Трамп август ойида Афғонистондаги Қўшма Штатлар контингенти 14 минг ҳарбий хизматчига кўпайтирилиши ҳақида маълум қилганди.

31 август куни Жеймс Мэттис Афғонистонга қўшимча қўшинлар юбориш ҳақидаги фармонни имзолади.