20 миллион! Хитойда ўтган йили рекорд даражада машина ортга қайтариб олинди

2017 йилда ХХРда хитойлик ва халқаро автомобиль ишлаб чиқарувчилар рекорд даражада – 20 млн автомобилни функционал носозликлар ҳамда сифат билан боғлиқ муаммолар туфайли ортга қайтариб олишди. Бу ўтган йилги кўрсаткичдан 76,8 фоизга кўпроқ, деб хабар бермоқда Хитой автомобиль ишлаб чиқарувчилари ассоциацияси. 

Машиналарни бозордан олиб қўйишга асосий сабаблар орасида – носоз хавфсизлик ёстиқчалари, двигатель дефекти, камчилиги бўлган ёқилғи ўтказгич, юргизувчи қисм, аккумулятор ва электрика тизимидаги носозликлар бор.

2017 йилда Хитой бозорида кўпроқ Volkswagen, SAIC, Chevrolet, Audi, Toyota, Honda, Mercedes-Benz моделлари ортга қайтариб олинди.

Хитой сифат назорати, инспекция ва карантин бўйича давлат бош бошқармаси сўнгги 12 ойда автомобилларни ортга қайтариб олиш ҳақида ҳаммаси бўлиб 250 мартадан кўпроқ маълум қилган.