Шу йилнинг февраль ойидан The World Series Boxing(WSB) ярим профессионал бокс лигасининг VIII мавсуми бошланади.
Uzbek Tigers жамоаси бу мавсумда Америка жамоалари билан бир гуруҳдан жой олган. Жамоа илк учрашувни сафарда, 9-10 февраль кунларида ўтган мавсум финалчиси Cuba Domadores боксчиларига қарши ўтказади.
Мазкур жангларда 52, 60, 69, 81, +91 кг вазн тоифаларидаги боксчилар ўзаро тўқнаш келишади.
Ўзбекистон бокс федерацияси Кубага йўл оладиган таркибни эълон қилди:
1. Худойназар Файзов (52кг)
2. Шунқор Абдурасулов (60кг)
3. Махмуд Ғоипов (69кг)
4. Мадияр Саидраҳимов (81кг)
5. Баҳодир Жалолов (+91кг)
Шунингдек, мураббийлар штаби ушбу учрашув учун захира таркибига ҳам аниқлик киритган.
Гуруҳда иккинчи жангни ҳам жамоа кубалик боксчиларга қарши ўтказади. Учрашув 23-24 февраль куни Тошкентда бўлиб ўтади.
Uzbek Tigers нинг гуруҳдаги уй беллашувлари саналари:
23-24 февраль: Cuba Domadores (Куба)
2-3 март: Colombia Heroicos (Колумбия)
6-7 апрель: Caciques de Venezuela (Венесуела)
Сафар беллашувлари саналари:
9-10 февраль: Cuba Domadores
23-24 март: Colombia Heroicos
13-14 апрель: Caciques de Venezuela
