![](http://storage.kun.uz/source/2/kBo0Ky7p0omDlH874dTdy1AWsqQVRKPn.jpg)
Сурхондарё вилоятининг Термиз шаҳрида янги ахборот-кутубхона мажмуаси қурилиб, фойдаланишга топширилди. Бу ҳақда вилоят ҳокими Эркинжон Турдимов Facebook’даги ўз саҳифасида маълум қилган.
“Термиз шаҳрида фойдаланишга топширилган Адиб Собир Термизий номидаги вилоят ахборот-кутубхона маркази мамлакатимизда кутубхоначиликнинг сўнгги ютуқлари асосида бунёд этилган анъанавий, виртуал ҳамда электрон кутубхона хизматларини кўрсатиш орқали аҳолининг барча қатламига хизмат кўрсатувчи маърифат марказидир”, - деб ёзади Э.Турдимов.
Маълумотларга кўра, марказда ахборот-коммуникация воситаларининг сўнгги ютуқлари мужассамлаштирилган. Унда мутолаа заллари, муҳокама ва компьютер хоналари, медиа-студиялар, маълумот алмашиш имконини берувчи видео тармоқ, тезкор WI-FI тармоғи мавжуд. Мазкур марказ 225 минг китоб фондига эга бўлиб, бир вақтнинг ўзида 275 нафарга яқин китобхонга хизмат кўрсата олади.
![](http://storage.kun.uz/source/uploads/20180104/6540235.jpg)
![](http://storage.kun.uz/source/uploads/20180104/65402351.jpg)
![](http://storage.kun.uz/source/uploads/20180104/65402352.jpg)
![](http://storage.kun.uz/source/uploads/20180104/65402353.jpg)
![](http://storage.kun.uz/source/uploads/20180104/65402354.jpg)
![](http://storage.kun.uz/source/uploads/20180104/65402355.jpg)